Mu rwego rwo guteza imbere ireme ry’Uburezi mu mashuri y’Imyuga n’Ubumenyingiro, Minisiteri y’Uburezi ibinyujije mu kigo cy’Igihugu gishinzwe guteza imbere imyigishirize y’Imyuga n’Ubumenyingiro (WDA), yakoze ubugenzuzi mu Gihugu hose kuva mu kwezi kwa Kanama kugeza muri Nzeri 2020.

Hashingiwe ku byavuye muri ubwo bugenzuzi, Minisiteri y’Uburezi iramenyesha ababyeyi n’abanyeshuri ko amashami yo mu bigo by’amashuri bikurikira yahagaritswe, ayo mashuri akazongera kwemererwa kwakira abanyeshuri muri ayo mashami amaze kuzuza ibisabwa. Ibyo bigo ni:

Minisiteri y’Uburezi ikaba isaba Abanyarwanda bose bagana amashuri y’Imyuga n’Ubumenyingiro ko bajya babanza kumenya amashuri yemewe (afite ibyangombwa/ accreditation) mbere yo koherezayo abanyeshuri. Urutonde rw’Ibigo by’Amashuri yigisha Imyuga n’Ubumenyingiro byemewe mwarubona ku Karere ndetse no ku rubuga rwacu: www.mineduc.gov.rw kuri links zikurikira :

Reaccredited TSS

Accredited VTCs

TSS with provisional accreditation

VTCs with provisional accreditation

Hagize ubona ishuri rikora ritabifitiye uburenganzira, mwakwihutira kutumenyesha ku murongo wa telefoni utishyurwa 2028 cyangwa akatwandikira kuri email: [email protected].

Icyitonderwa:

1. Amwe muri aya mashuri ntiyigeze asaba kongera kwemererwa kwigisha. Igihe azongera gusaba azagenzurwa hasuzumwe niba yujuje ibisabwa abone kongere gufungura.
2. Uru rutonde ruzajya ruvugururwa buri mwaka rutangazwe mbere y'uko umwaka w'amashuri utangira.
3. Abanyeshuri bazakomeza kwiga mu mashuri yafunzwe ntabwo bazabasha gukora ibizami bya Leta cyangwa se ngo basinyirwe impamyabushobozi zabo.

Ba nyiri aya mashuri bakwegera ubuyobozi bwa Minisiteri y’Uburezi kugira ngo abanyeshuri bigaga muri ayo mashuri bafashwe kubona ibindi bigo.

Bikorewe i Kigali, ku wa 18 Ukuboza 2020

Ubuyobozi bwa Minisiteri y’Uburezi